29/07/2010

播放本新聞相關短片
查詢股票編號

短炒倉:金山能源升得有理

志強呢鋪真係中到正,線人話國際精密(00929)中期業績好鬼正,尋日真係發盈喜,短線目標逼近,上面再上到乜位,要待公布業績至知,短炒有胡要食。

日前推介的環境資源(01130)股價站穩50日線樓上,成交配合又開車,真係要吼住。二三線股仔開始起哄,金山能源(00663)亦鑊氣沖天。

集團自今年二月由現任主席入主後,已表明要將公司打造為超級煤炭企業,較早前公司又引入蘇斌做非執董。志強對於呢個非執董咁着緊,因為佢係華國鋒個次子,咪以為志強搞錯,因為華國鋒本名蘇鑄,佢個仔梗係姓蘇啦。蘇斌曾擔任中國煤炭暨焦炭投資基金聯席主席,亦係香港能源礦聯合會名譽會長,換句話講本身已經係煤炭業猛人。

金山能源上月曾以每股0.195元配股,集資5.012億元,作為收購山西煤礦的誠意金。整項收購計劃涉資以數十億元計算,佢要蛇吞象,以其目前市值無法完成,即係要再炒高股價。短線目標0.22元,穿0.176元止蝕。

金山能源(00663) 目標價:0.220元 止蝕價:0.176元

志強