話說每年十月舉行嘅「對沖基金拳擊之夜」，會喺決賽當晚進行籌款，一向積極做善事嘅Ed亦有參賽，雖然之前有玩開Boxing，但可能訓練過程太嚴格，就咁扭傷咗隻腳。Ed講起都若有所失，「其實好想繼續練落去，不過醫生勸喻，如果堅持練習，之後一世都行唔到。依家休養咗三個禮拜，好番好多，惟有留待下年再參賽」。

Ed做善事一向不遺餘力，有時周末會到監獄探訪，嚟緊八月無諗住「抖暑」，將時間留畀慈善，八月會以自家組成嘅電單車「盼望之旅（Ride 4 Hope）」名義，到青海籌款。

講座傳授「人生操盤」

另外，佢喺八月二十九日下午喺教堂有個「善用萬多天」講座，分享另類「操盤」心得，教授如何成為「人生操盤手」，大家仲可以免費入場添。