本文重點
無論係以前嘅Y世代抑或X世代，到依家嘅80後、90後，年輕人嘅消費力不能忽視。老友同太子講，滙豐好重視呢班準客仔，話晒呢個係今年六大策略之一，滙豐上下自然要落力做啲成績出嚟，之前就特登搞咗個hkYFi網站，希望吸引啲年輕人留意理財資訊，順手喺當中宣傳吓品牌。
一萬元去旅行考創意
要喺多姿多采嘅年輕人圈子中宣傳，得一個網站自然唔夠，太子八到滙豐有新搞作，整咗個「Y人之理─BackPacker大募集」嘅比賽，實行主動出擊吸引年輕人咁話。
太子一睇比賽嘅內容，發覺好明顯針對年輕人，都係要發揮吓創意，計劃可以點樣用1萬元，過一個自己嘅夢想旅行，贏咗就可以喺現實世界實現夢想，相信應該會吸引唔少年輕人參加。
呢個比賽太子就應該唔會去參加，但是都會留意一吓身邊有無叫Ryan嘅年輕朋友，一於叫佢哋參加呢個「Y人」比賽。