雖然指數向上，但唔少賓架都話，落場炒嘅散戶唔係太多，就如昨早市況，靜到烏蠅都可以拍死幾隻，直至下晝市況回升，先至有番啲客打嚟收料，但即使係肯落場，注碼都唔大。造成咁嘅局面，主要係恒指已升近心理關口，股民擔心接下火棒而持觀望態度嘅心情可以理解。但阿莊相信，恒指一係唔升，一旦確認重越21,000點，後市爆發力不容低估。
瑞銀證券研究報告表示，內地宏調政策基調已經悄然改變，預期未來數月，中央政府將推出新嘅投資刺激計劃，以推動經濟增長。所謂新嘅投資刺激計劃，不離再翻炒推行積極財政政策、發展新興戰略產業及區域發展規劃，而「十二．五規劃」則會係較新嘅炒作概念。
事實上，阿莊多次重申，若讓資產市場持續下挫，甚麼刺激內需帶動經濟穩快增長嘅口號便會變成「空談」，一旦中央政策錯失調節政策力度嘅時機，消費者信心受損，所產生嘅負面影響難以估量。
面對下半年出口市場復甦步伐將較上半年放緩之下，內地必須加大刺激內需力度，而最有效嘅方法，莫過於讓兩大資產（股、樓）價格上升。圍繞內地樓市，暫未有進一步調控措施，樓市會有喘息嘅機會；至於內地股市，近月嘅升勢，似乎已在預示新刺激經濟政策出台。若對A股未來數月表現具信心，免卻選股煩惱，可留意安碩A50中國（02823）。
全力主攻內銷市場
講到內需，近日聯想（00992）股價走勢向好，昨日股價曾高見4.93元，收市報4.88元，升2.9%。未知各位記唔記得，聯想曾於上月初獲大股東入場以平均價4.14元增持，上月下旬阿莊便曾為文，建議若聯想股價再度下試大股東增持價水平，可以把握跟進機會，理由好簡單，喺內地積極推動三網融合之下，勢必帶動電子及流動通訊產業發展，兼營電腦及手機業務嘅聯想，喺內地市場擁有領導地位，近年已調撥資源全力主攻內銷市場，未來兩大業務將更全面發揮協同效益，前途一片光明，而大股東入場加注，亦等於為公司投下信心一票。
結果，本月下旬聯想股價於4.1元水平遇承接後反彈，現價已重上10日、50日及250日線。雖然短線喺5元關會遇到一定阻力，但估計嚟緊有關公司電腦及手機嘅銷售數據正面，中線股價不止於此，回吐守4.6元水平，可考慮加注，目標重上5.6元。
戰報
中傳動（00658）
史提芬於本月二十一日指中傳動仍處偏低水平，當日低位16.52元，昨日最高見18.1元，累升接近一成。
+10%
中外運航運（00368）
錢進於上周五推介的中外運航運，昨日曾一度升至高位3.46元，較推介當日低位3.26元，升超過6%。
+6%