相信每個新入行嘅保險或財務策略師，第一個目標係成為百萬圓桌會（MDRT）會員，而保險公司亦好重視入到MDRT嘅員工，有時仲會登報紙表揚吓佢哋。
AIA（香港及澳門）首席執行官陳榮聲同太子講，前排MDRT派咗成績表，AIA舊年有超過600位業務代表入到MDRT，唔單止保持香港「冧巴溫」嘅地位，仲係全亞洲保險公司中排第四位，全球排名仲升上第六位。
聽落好似成績唔錯喎，但係陳榮聲就話未夠，佢哋嘅發展目標係「MDRT 1000」，即係要有1,000個MDRT會員咁話。聽人講，AIA都試過有逾1,000個MDRT嘅業務代表，所以要喺一年內多幾百個MDRT會員員工，並唔係無可能。