50對新人花車巡遊

太子以為石油館會有新展品畀參觀者欣賞，原來唔係。據講嗰日會有50對石油行業嘅新人，喺俗稱油立方嘅石油館舉行名為「世博緣．石油情」大型集體婚禮，呢50對新人唔單止只可以喺世博園裏面影婚紗相，同埋喺石油館舉行一場盛大婚禮，而且仲會坐花車巡遊成個世博園。

喺特別活動日，三家油公司都會請一名工程院士擔任石油館嘅專家講解員，用深入淺出嘅方式，令參觀人士更加了解同生活息息相關嘅石油，同時仲會有好多紀念品送畀入場參觀嘅人士添。