本文重點
要管理一家銀行絕對唔係易事，身為全球市值最高嘅工商銀行董事長，姜建清更加要事事用心，例如工行喺全球二十幾個國家同地區都有分支機構，員工來自五湖四海，如何加強員工對公司嘅歸屬感，已經考起姜總。
總部每層設禱告室
其中一樣好難搞嘅，就係點樣融合唔同文化嘅員工，舉辦培圳交流當然係例牌菜，原來工行仲花咗唔少心思。太子知道早年工行收購印尼Halim銀行，當地有唔少信奉伊斯蘭教嘅員工，為咗方便員工，工行特登喺印尼總部嘅每一層，同每一個分支機構度設立禱告室，方便佢哋每日按時禱告。
唔單止咁，太子記得伊斯蘭教一日有五次禱告時間，工行更會盡量避免喺禱告時間為他們安排工作或會議，方便員工。咁體貼嘅安排，睇嚟姜總為提升外籍員工嘅凝聚力，真係花咗唔少工夫。