恒生銀行（00011）周日為員工舉辦咗一年一度嘅「恒生團隊盃」乒乓球賽，除咗吸引到70人參賽外，恒生總經理兼財資及投資業務主管馮孝忠（Andrew）、「乒乓孖寶」李靜及高禮澤亦到場為參賽者打氣。難得與體壇名將同場，Andrew當然唔會放過呢個機會，落場與「乒乓孖寶」一較高下啦。
切磋球技冇怯場
縱然「勁敵」當前，Andrew又唔係專業乒乓球運動員，但佢一啲都冇怯場，亦冇雞手鴨腳，輕鬆淡定咁完成比賽，身為「賓卡」嘅佢平時見慣大場面，訓練有素，所以零舍有大將風範。
另外，「乒乓孖寶」亦分別與一眾唔同組別嘅冠軍得主切磋球技，佢哋仲大讚參賽者球技不凡，水平可以與精英運動員媲美。
