為兒童醫院籌款

巴菲特身為股神，一生都不斷諗投資策略同揀選公司，但係佢花喺諗計籌款嘅心機同埋時間絕對唔會少過花喺投資上。股神除咗每年出售同自己共進午餐嘅機會，今次仲出售親自簽名嘅雪糕匙，為兒童醫院籌款。呢隻成5磅重、33吋長嘅雪糕匙，係由佢有份投資嘅Dairy Queen贊助，佢簽名後，再擺喺eBay拍賣。底價99美仙，截至昨晚七時半，eBay顯示已經有47次叫價紀綠，bid到2,850美元，拍賣會喺本月底完結，相信個價仲會再上。

股神叱咤投資界咁多年，積聚咁多財富，但佢最想嘅都係回饋社會。佢喺自己個blog度話，有錢嘅人有責任幫助有需要嘅人。所以一早承諾，會捐出99%身家畀慈善機構，資助消除饑荒、提升美國教育等項目。