本文重點
書展開鑼，財金界分析員有不少新著作，當中金利豐證券研究部董事黃德几（Dickie）和耀才證券市務總監郭思治（郭Sir）亦會喺書展現場舉行簽名會。面對咁多財經書競爭，佢哋會出咩法寶突圍而出？
Dickie話，《投資得機》係佢第一本著作，以生活化角度及用28堂投資課講解投資理論，太子就覺得，本書賣點係邀請到16個人寫序，包括金利豐證券董事總經理朱李月華、主席朱沃裕和港鐵公司（00066）事務總經理梁陳智明等，簡直人才濟濟。
郭思治書展搞簽名會
至於《郭思治獨門投資心法》，係繼《郭Sir健體60日》後第二本書，教捕捉每月大市波幅嘅策略。郭Sir會由今日起一連七日中午坐鎮書展搞簽名會，Dickie就喺呢個禮拜六舉行新書分享及財經講座。