美國消費信心跌至十一個月新低，加上美銀業績欠佳，拖累道指急挫逾200點，恒指在上周五，農行（01288）登場後已率先露出疲態，今日當然難逃一跌，志強估計20,000點關必定失守。
二、三線股自然難玩，要揀有質素股仔買，就算個市唔就亦有得守。東岳集團（00189）較早前發盈喜，預期半年盈利增加兩倍，股價在七月九日，就曾經漲至1.77元高位，隨大市反覆回落整固，在1.6元找到支持。
東岳主要生產製冷劑，產品價格在家電及汽車下鄉等政策拉動下大幅上漲，空調、冰箱、汽車等產品產量增加，帶動了製冷劑需求。同時歐美淘汰相關生產裝置，減少了供應，有助抵銷原材料價格上升，毛利率可維持在較高水平。值得留意係集團兩大股東兩度大手減持後，股價不跌反升，志強估計相關股份已盡入強中手。由於今年東岳開始踏入豐收年，唔少基金甘願作較長線投資，所以東岳每每在急升後，未見沽壓出現，短線以1.9元作目標，中線睇2.2元，相等於一○年十四倍預測市盈率，止蝕訂於1.55元。