共展出56款鈔票

滙豐銀行由尋日至八月十五日期間，會喺香港館搞個「鈔票背後的故事」展覽，尋日就舉行揭幕儀式，滙豐中國候任行長兼行政總裁黃碧娟（Helen）仲親自擔任主禮嘉賓。

呢次滙豐銀行會展出56款鈔票圖像，包括佢哋自一八六五年創立以來，喺香港同大陸所發行嘅珍藏鈔票，所有展材係由佢哋亞太區歷史檔案庫提供。

滙豐銀行香港區CEO馬凱博話，依家獅子嘜頭嘅鈔票佔全港流通鈔票三分之二。Helen就話滙豐銀行自百多年前喺香港同上海創立，就開始喺內地發鈔。今次展品都是稀有而具歷史價值嘅鈔票。太子相信香港館有咗呢個展覽，或者可以贏番啲掌聲。