昨日港股表現之疲弱，的確令人有點意外，尤其外圍並無太大負面消息下，午市期指支持位20,380點（現貨20日線也正附近的20,368點），仍完全起唔到半點作用，恒指最終收報20,255點，跌305點，跌市下大市成交不跌反升，去到556億元，唔係好兆頭。
筆者昨日已提出，港股無法好好把握美股連升七日的強勢，向上挑戰20,800點水平，應該可以等即市回吐更低點的出現，才再決定入市。結果昨日在20,300點附近揸期指，現時要吃眼前虧，坐艇過市，尚幸是港股收市後，西班牙成功標售30億歐元十五年期債券，紓緩市場對其舉債能力憂慮，歐股由早市低位回穩，但今次筆者信心並非十足，展望未來兩日，只要反彈見20,420點至20,550點，都會先行平倉。