本文重點
任志剛自從退下金管局戰線並過埋冷河之後，身上揹着嘅職銜就愈來愈多。佢喺冷河期時已經擔任中國金融學會執行副會長一職，跟着就做咗中大全球經濟及金融研究所傑出研究員，上述都係學術性嘅範疇。冷河期一完結，任總更踏隻腳入商界，出任建行嘅非執董。
但係以佢嘅個人能力，應該可以做多幾份工。中投就識貨，識得搵任總做其國際諮詢委員會委員，尋日先至作出有關公布。
大摩主席齊坐鎮
中投呢個委員會，原來係由國際知名嘅專家及人士組成的內部非常設性機構，主要職能係對中投重大發展戰略、境外投資戰略同重大決策提供諮詢；加深中投對國際宏觀經濟形勢、全球金融市場、投資環境的了解，拓寬決策思路。
今次中投同時委任大摩主席麥克為委員會委員，希望中投有兩名大將幫手，日後喺海外投資嘅時候，唔好咁多觸礁事件啦！