本文重點
農行（01288）A股尋日上市，終於完成四大國有銀行上市嘅使命，鑼聲一響，農行正式有上市公司身份。咁大日子，除咗農行管理層之外，包括上海證券交易所理事長耿亮在內嘅內地監管機構要員都有到場，仲有上海市副市長屠光紹添。農行行長張雲喺A股上市之後話，農行每天花費3億元人民幣以上，所以佢自己每天下班前必須賺回8億元人民幣以上，才能回報股東，呢個亦係對佢最大嘅挑戰。
至於農行H股，就會喺今日登場，據悉今日嘅上市儀式將會非常隆重，據聞多位中港巨頭齊齊出動，香港方面，估計特首、財爺、陳德霖、夏佳理等都會出席；至於內地亦派出多名高官嚟港，好似有中證監、中銀監同中聯辦嘅代表。
當然主人家農行亦率領一眾高層嚟香港，包括董事長項俊波同張雲等，所以話場面肯定熱鬧。
周日京搞慶祝酒會
至於農行慶祝上市嘅高潮，就肯定係今個禮拜日喺北京人民大會堂舉行嘅大型慶祝酒會。