滙豐每年都會推出股份儲蓄計劃，畀員工以八折認購滙控（00005）嘅股份，供滿期之後，就可以用擬訂嘅行使價買貨，或者攞番錢。
去年參加升價逾倍
話咁快今年又到結算期，但有人歡笑有人愁，舊年低價參加一年計劃嘅人差唔多賺成倍，相反三年或者五年前參加者就得啖笑。
舊年滙控股價插水，儲蓄計劃舊年個價係「至抵價」，只需37.8797元，比昨日收市價73.9元差成倍，參加一年供款計劃嘅員工，八月就可套現。至於○七年參加咗三年供款計劃同埋○五年參加五年計劃嘅人，因行使價分別係大約94.5元同埋86.7元，睇個勢喺今年之內都難啲可以賺到錢。