想到理財，很多人都會覺得是一件簡單的事，就是如何處理收入和支出而已。不過，李健偉就說理財是一門學問，說得簡單，往往實行時就發現仍有很多東西要學習。
捱麵包為買心頭好
李健偉想起昔日還是學生時，他會攜帶飯盒，又不需要坐車，不需要用錢。直至開始有零用錢，就要去學如何管理金錢。想買心頭好回家？就只有兩個方法，其一是再節儉一點。他笑言：「見到有嘢想買，就惟有自己慳啲啦！嗰陣我就會食龍蝦包，咁樣先可以有錢買自己鍾意嘅嘢！」他解釋，雖然想買心頭好，但總不能夠捱餓，只好選擇最平又飽肚的龍蝦包。
他說，除了節衣縮食之外，仍有別的方法，就是增加收入。香港盛極一時的輕工業為當年的年輕人提供了不少賺零用錢的機會，在那個年代成長的李健偉當然把握這個機會去賺一點外快。他說：「嗰陣要錢，就係靠幫人剪線頭，整錶帶o架喇！」
結束了學習生涯，他坦言感覺上好似比以前賺得更多，但賺得愈多錢，反而不是一件好事。他解釋，因為以前要儲蓄才能夠買自己心儀的東西，但剛開始工作而又不懂得理財的話，就會愈買愈多，錢亦會愈用愈多，往往事後都要捱兩個星期的龍蝦包。他提醒同學們要謹記收入永遠要大過支出才會有餘錢，有閒錢才可以結婚、生兒育女、照顧下一代、買樓，以及達到自己的最終目標──享受人生。
家境不富裕更知足
李健偉又提到同學們應該學會滿足。他說自己不是出生於富裕的家庭，雖然沒有錢，但依然感到快樂。他說，快樂不是建基於物質享受之上，所以不一定要出街、食飯、遊埠才會得到快樂。
同學心聲
中學生Flora
「每星期父母都會畀我300元零用錢，扣咗日常嘅開支之後，其實都係剩下50元左右，不過我都會畀媽媽幫我儲啲錢喺銀行！我遲啲都會計劃一下點樣可以儲多啲錢！因為自己都鍾意管錢，所以我將來想做會計師，我諗第時出嚟做嘢一年都可以儲到十萬元啩，我仲計劃最快會喺60歲退休！」
中學生阿俊
「儲蓄其實都唔難嘅，少啲出街，就算要出街，唔袋咁多錢咪得囉！剩番嘅錢就畀媽媽幫我儲喺銀行，如果見到鍾意嘅嘢，我多數都唔會自己買，我會等媽媽喺我生日或者聖誕節嗰陣送畀我囉！至於人生有咩目標？我有諗過做個髮型師o架！不過現階段都係讀好啲書先，我要入大學，咁之後生活水平就會慢慢提升o架喇！」