本港窩輪市場向來競爭激烈，輪商不斷喺各大媒體「海陸空式、全力追擊」，贏家梗係媒體朋友啦。窩輪好唔好做我唔識講，但唔好做又點會有人「漏夜趕科場」呢？
不過，有個炒股王就同筆者講，輪商嘅策略已去到無差異性（non-differentiation）的地步。從marketing來講都咪話唔悲哀，但係唔做又唔得。輪商數目多，但首5名輪商巿場份額已佔六成，剩番嘅梗係「相濡以沫」。
年初完成中大法律學碩士（中國商業法），其中一份功課叫中國窩輪市場：現在與將來。做完先感受到「同途窩輪人」的苦心。辛苦都係等阿爺開放內地山河，為將來祖國輪場略盡綿力。「輪商still alive，開放一定fly」係大家「繼續守望」嘅原因之一。