世界盃終於誕生最後兩隊爭標隊伍，冠軍將於香港時間今個周日凌晨誕生，志強一來可以結束捱夜睇波日子，另一方面希望在世界盃結束後，本地魚缸成交唔使再一池死水。
尋日個別二三線股仍有睇頭，寰亞礦業（08173）股價重上10日線，成交亦較上日倍升，正凝聚上升動力。寰亞礦業早於去年底宣布開拓菲律賓礦業，並於今年五月，透過發行100億股新股，及20億股新股可換股債券，成功引入中國瑞寶為策略股東。完成集資後，公司可獲注入30億元資金。
瑞寶來頭唔嘢小，其7.9%股權由國務院旗下中國核工業建設直接持有，呢點似乎被市場完全忽視。寰亞在菲島的業務，於上月底公布其新探礦許可證申請已獲接納，呢單巨型注資絕對唔係無咗影。睇番集資發行的新股及CB，發行價及行使價同為0.25元，現價僅及三分之一，點計條數現價都係過分低殘。若以股價回升至CB兌換價一半，已可見0.125元，較現價有超過六成上升空間，短炒值博率甚高，穿0.07元止蝕。
寰亞礦業（08173） 目標價：0.125元 止蝕價：0.070元