從錯誤吸取教訓

一代經濟學大師兼且係諾貝爾獎得主嘅佛利民講過「企業嘅社會責任就係賺錢」，葛霖喺一個論壇，趁機反駁話企業固然需要賺錢，但呢個只係副產品，一個成功嘅標記，但並無代表一切，亦唔係企業存在嘅理由。

葛霖話企業同埋佢哋董事會，一定從過去錯誤中吸取到教訓，亦會考慮到更廣泛層面嘅利益相關者，而唔係單單揸着企業股權嘅人。

對於佛利民大師講企業唔應該用股東資金做慈善嘅工作，又話企業無呢個慈善嘅身份，葛霖當然又好唔認同。大家都有眼睇「大笨象」在全球做咗幾多善事，喺賺錢之餘，都不忘盡其社會企業嘅責任。