書展開鑼前夕，很多電子書嘅Apps搶住出台主打書迷市場。工行（01398）旗下工銀國際投資服務部銷售董事徐燦傑都嚟湊熱鬧，推出全新嘅《衍生物語》電子書，全面講解衍生工具玩法。佢話，呢本電子書籌備咗兩個月，最花時間喺設計圖片上，連實體書都未出，成個製作成本大約係實體書嘅三至四成。
徐燦傑同太子講，推eBook唔係為咗賺錢，而係利用「App Store」嘅平台，等全球識中文嘅人都讀到自己嘅作品，「最開心係本書推出後一個禮拜，就有住喺美國和英國嘅朋友下載，以往書商好難將自己嘅書賣到去外國」。依家佢就趕喺書展前出多一本《證監考試一眼通》，先出實體書，之後再推電子書。