今次兩人獲授勳，用「升呢」形容最為貼切。因為夏佳理本身已攞咗金紫荊星章，而周文耀本身就有銀紫荊星章，仲唔係「升呢」？

董事局粒粒皆星

數數手指，港交所前主席李業廣之前已獲大紫荊勳章，加埋港交所董事局內原來已有多名董事獲得星章，好似張建東、史美倫、鄭慕智、施德論獲金紫荊星章，而陳子政亦獲銅紫荊星章。再加埋許照中、郭志標係太平紳士，李君豪獲比利時官佐勳銜，港交所都算係最「星光熠熠」嘅機構之一。

政府讚揚夏佳理領導嘅港交所推展多項措施，提高證券市場水平同質素，及提升香港國際金融中心地位。至於周文耀就把香港建立為內地及眾多企業的首選融資中心，任內帶領港交所上下緊守崗位，應付近年金融海嘯，並把港交所發展成為國際級的交易所。