李寧（02331）品牌唔經唔覺已經創立二十周年，早前聽聞佢哋有個重塑計劃，尋日終於喺北京揭曉，咁大件事，集團創辦人李寧、管理層、主要投資者、李寧五大金牌隊運動員代表都嚟齊，仲揀咗李寧北京總部中心，齊齊見證呢個歷史時刻。
李寧品牌進化之路，原來經三年醞釀，全面重組品牌基因。這次變化中，最受注視嘅係李寧品牌經典標識和口號嘅更改。
新口號係「Make The Change」，體現咗從敢想到敢為嘅進化，鼓勵每個人敢於求變、勇於突破。
李寧品牌新標識就抽象融合咗李寧原創嘅體操動作「李寧交叉」，又以「人」字形來詮釋運動價值觀，鼓勵每個人透過運動表達自我。