港股成交額進一步縮水至477億元。志強認為港股仍然窄幅上落，總之現水平唔做唔錯。二三線股仔靜晒，個別股仔更得番半條人命，橙天嘉禾（01132）則先一步完成圓底收集，走勢見突破，值得留意。
曾幾何時，入戲院睇電影係港人主要娛樂之一，但隨住電腦普及，家庭影院的器材愈趨先進，再加埋翻版橫行，經營電影院生意自九十年代起，可以話係蝕到嘔。不過3D電影面世，為電影院市場創造了新商機，《阿凡達》掀起全球熱潮，票房相當可觀。至於內地的電影票房收入，近幾年更係持續倍升。
橙天嘉禾單在今年第一季，內地總票房收入就按年增長逾三倍。隨着內地消費能力增強，今年內地電影票房收入，或可能突破100億元人民幣，未來更有龐大增長空間。現價買入，博重返1元，跌穿0.76元止蝕。
橙天嘉禾（01132） 目標價：1.00元 止蝕價：0.76元