一向從事節能環保業務的快意節能（08032），於四月中獲李寧聯同兄長李進宣布動用7億元入股，在名人效應下，股價迅即攀升，最高更見過0.57元。及後股價雖然一直在0.5元水平停滯不前，但期間卻有唔少基金密密吸貨，而且大部分都係唔現身的主動買盤，值得密切關注。
快意節能獲李寧入主後，一直惹來無限憧憬，投資者都揣測快意未來業務，到底會繼續從事綠色能源業務，抑或再作其他打算，雖然至今仍未有定案，但市場想像空間實在非同小可，加上李寧現已為快意主席，憑藉其網絡應可為快意帶來唔少發展機會。
走勢上，快意股價早前由高位0.57元回落至0.33元時，料已震走唔少散戶，貨源甚為歸邊，故只要突破0.5元這個短期阻力位，炒上應該無乜難度，可小注一博。至於盤路上，集團每日主動買盤亦見強勁，以昨日為例，主動買盤就達2,679萬股，而主動沽盤只有1,875萬股，故背後買家一旦儲齊貨，爆發力不容忽視。