交行合約延至明年底

雖然葉迪奇喺交行做事都咁多年，太子問起佢嘅近況，先至知佢仍然係滙豐銀行嘅人，出緊滙豐嘅糧，仲係以借調身份繼續喺交行辦事。其實，佢喺交行工作嘅合約早於去年屆滿，不過嗰時將合約再延長到出年年尾。

葉迪奇應該已年過六十，但睇嚟佢一啲退休嘅意思都無，仲好似愈戰愈勇。佢話繼續工作係因為要養老婆仔女。問佢打算幾時退休，佢就話自己幾年內都無退休計劃。