08/06/2010

播放本新聞相關短片
查詢股票編號

滙豐保險高層換人

本文重點
近期與保險圈老友傾開,知道滙豐保險人事有變動,上場只有五個月嘅香港總監及個人保險主管夏鈞年原來提早退休,而且仲已經搵人頂上,滙豐保險唔聲唔聲換人換得咁快,令人懷疑係咪有啲乜嘢事發生。

夏鈞年提早退休

點解今次有呢個疑團?其中一個原因係夏鈞年負責滙豐個人保險,今年首季滙豐失落咗新做壽險嘅冠軍寶座,由中銀人壽坐上一哥寶座,難免引起猜測。

不過,聽滙豐保險啲老友話,夏鈞年係有啲私人事務所以請辭,更與太太一齊飛返老家加拿大,並唔係有啲乜嘢錯失。

至於剛啱紮上去嘅都係外國人,個名叫郜藝帆(Art Cozad),來自美國加州。原來佢喺滙豐做咗十六年,呢兩年調到香港,係個好動嘅人,鍾意打壁球及歷奇旅遊,而且好享受喺香港可感受到唔同國家嘅菜式。

太子諗落,佢咁咪同佢嗰位鍾意下廚嘅老闆石湛森應該會好夾!