蘋果公司大熱倒灶

但近期美國《商業周刊》搞嘅科技公司100強選舉，兩大科技巨擘竟然大熱倒灶，比亞迪（01211）力壓蘋果公司成為科技公司之王，騰訊（00700）得第三，Google更加二十大不入。

呢個選舉會首先將咁多家科技公司作篩選，少過10億美元市值、營業額少過5億美元、舊年營業額同比跌多過5%、股價跌多過50%嘅公司，全部無份入圍。然後就會將佢哋嘅收入同埋盈利調整，確保唔同公司都喺同一個基準之下比較，唔會太受規模影響。

獲股神巴菲特入股，比亞迪聲名大噪，之後股價長升長有，股神點石成金。相信幫比亞迪今次拎咗唔少分，加埋公司盈利前景，所以奪冠。