本文重點
唔少金融界從業員都想考番個特許財務分析師（CFA）嘅頭銜，希望對前途有幫助，或者加人工或學多啲嘢。今個月舉行嘅考試就有破紀錄嘅13.99萬人報名應考，其中來自中國同埋印度嘅考生增幅特別厲害。太子諗梗係因為佢哋嘅金融市場開始發展，所以愈來愈多市場人士想拎番個專業資格；好似上海咁，話要喺二○二○年成為金融中心，冇番咁上下人才，點做呀？
兩地逾2.7萬人報考
全球最大嘅金融市場美國依然係有最多人報考CFA，總共有3.82萬人，比舊年多咗3%；印度同中國兩大新興市場分別就有1.57萬人同埋1.18萬人報考，中國嘅增幅就輸咗畀印度，中國有19%，但係印度就有39%。
中國增速輸畀印度嘅原因會唔會係印度人國際化程度高啲，對呢啲國際認證熱切啲？定係語文方面好啲，所以多啲人去考呢？