本文重點
中移（00941）董事長王建宙係電訊業嘅老行尊，經常研究手機嘅功能，大家一定好想知佢部電話裏面有咩嘢。據聞入面下載咗《Take Me Home, Country Roads》、《紅旗頌》、《梁祝》、《茶花女》嘅歌劇、同埋米高積遜嘅流行音樂等等，中西合璧，包羅萬有。
近日李躍接替王建宙出任中移動集團總經理，王建宙就做黨組書記同埋董事長，市場預計係為咗接班工作做準備。王建宙主理中移動咁多年，盈利節節上升，雖然近年因為競爭激烈，面對唔少挑戰，不過成績有目共睹。
閒來愛試新功能
據稱王建宙係一個好投入電訊業嘅人，一得閒就會拎部電話出嚟玩，試吓唔同嘅功能，親身體驗吓！而且會試吓訊號接收得好唔好。