研究及演講做唔停

任總尋日先至係嗰blog講吓自己嘅近況，話自己好耐無同大家溝通。事關佢自從四月喺中大全球經濟及金融研究所嘅工作開展後，就忙於協助研究所將未來幾年嘅研究議題定落嚟，同時又要特別留意近期國際金融令人擔心嘅發展，所以就唔得閒「招呼」大家。跟着佢又要應美銀美林嘅邀請，出席下周三喺獅城舉行嘅會議，到時佢會就人民幣走勢演講，所以都幾唔得閒，只好趁呢個檔期交代吓自己近況。

由任總嚟講人民幣走勢最適合不過，佢以前係金管局總裁，依家係中國金融學會執行副會長，兼做埋中大全球經濟及金融研究所傑出研究員，相信佢對人民幣自然有一番獨到嘅見解。