阿莊認為，即使歐洲債務危機受控，還須觀察內地A股表現，才可肯定港股短期是否見底，特別係四月份內地經濟數據頗大機會超出市場預期，人行對息口政策嘅取態至為關鍵，故奉勸博反彈者要量力而為。

放大圖片

放大圖片

金價可望維持高企

執筆期間，金價回落，皆因市場預期歐盟財長達成總額7,500億歐元嘅救助機制，將可淡化歐洲債務危機，避險資金流出金市。不過，阿莊始終認為，歐、美經濟疲弱問題非一朝一夕可以徹底解決，黃金嘅保值功能將促使金價持續高企。

提起金市，金礦股瑞金礦業（00246）今年首季度收益按年增長38%至2.2億元（人民幣．下同），純利1.27億元，同比增幅77%。季內，瑞金嘅等量黃金總銷售量為3.76萬安士，同比增長28%；實現平均金價每安士約858美元（去年全年為每安士839.6美元）。由於四月份金價上升約一成，次季經營表現審慎樂觀。

有留意金價與金礦股者，不難發現金礦股表現與金價走勢存在偏差，皆因股價表現會因應企業營運效率而出現變數。但若然金價大趨勢依然持續向上，只要金礦股保持產銷增長，按理盈利及資產價值均水漲船高。

以瑞金為例，去年收購金礦資產嘅效益將於今年全面反映，喺產品價、量齊升之下，業績將支持股價表現，亦不排除年內公司再有新收購行動。

瑞金現價往績市盈率僅十四倍，估值較同類股份低，只要經營上繼續交出好成績，有條件收窄估值折讓。短線金價回吐或影響金礦股氣氛，若瑞金穩守喺11港元水平，跟進目標可訂在14港元，止蝕位10.6港元。