美國前財長保爾森任內經歷咗最大嘅金融危機，佢用咗唔少力度去挽救美國金融體系，原來佢仲好關心環保，喺大學畢業前嘅理想係做森林巡邏員。佢喺農場長大，好鍾意哺乳類同蛇類。
保爾森話自己最鍾意嘅動物係處於食物鏈高端嘅動物，因為食物鏈頂端嘅生物如果生存唔到，成個生態系統同環境都冇埋，亦都不健康。佢仲比喻話，由高盛CEO到美國財長嘅位置，兩者處於一個健康嘅生態系統。不過，呢個生態系統過去不斷發生問題，佢承認金融界係問題嘅始作俑者。
回望金融海嘯，佢話係靠兩樣嘢嚟穩住局面，一樣係自己嘅金融知識，第二樣係敢於決定同埋果斷拍板嘅個性。