好多人關心理財，滙豐銀行亦不遺餘力推動，佢哋今年嘅「理財學堂」喺上星期開課，參加者係來自17間中學，超過300名中三至中六嘅學生。第一堂課邀來香港區個人理財業務掌舵人麥倩華（Francesca）做主講。
16歲兼職賺零用
原來啲學生對Francesca點樣使第一份糧好有興趣，Francesca透露自己喺十六歲嘅時候已經出嚟做兼職賺零用錢，佢將部分薪金儲起來，其餘就用嚟買雜誌、買衫等。
有學生問佢如果突然多咗一大筆意外之財會點用，Francesca就話會將部分錢捐畀慈善機構，幫助弱勢社群，部分就用嚟照顧屋企人嘅需要，但係唔會因為多咗一筆錢而改變佢依家嘅生活方式同工作。