28/04/2010

播放本新聞相關短片
查詢股票編號

太子手記:周文耀成就攞大獎

本文重點
港交所(00388)以及前行政總裁周文耀分別獲亞洲銀行家(The Asian Banker)頒發「市場及交易所成就大獎」及「市場及交易所領袖成就大獎」,頒獎典禮喺上周於新加坡舉行,港交所主席夏佳理以及周文耀都有親身出席領取獎項。

港交所同獲殊榮

獲頒發「市場及交易所成就大獎」嘅港交所,亦獲亞洲銀行家選為「09年最佳交易所」,認為港交所喺多個範疇嘅表現,例如係效率及盈利能力均較同業出眾,而旗下嘅產品數目有穩健增長。港交所嘅邊際純利較區內所有其他主要交易所營運機構勝一籌。

至於周文耀,亞洲銀行家認為自從佢喺○三年出任港交所行政總裁後,其中一項最重要嘅工作係制訂○四至○六年策略計劃,成功協助交易所建立根基,促進日後各項發展;佢之後再推出嘅○七至○九年策略計劃,亦進一步強化港交所嘅實力。