本文重點
德銀前環球銀行業務亞太區總裁張紅力最叻帶隊參加「選秀」攞大刁，佢過檔工行（01398）做副行長都要參加「選秀」，仲要見九名中國重量級嘅考官，包括銀監會主席劉明康、中投董事長樓繼偉等。
張紅力洋名叫Lee，面試時嘅考官除咗劉明康同樓繼偉外，仲有建行（00939）董事長郭樹清、學者巴曙松、工行董事長姜建清等人。而畀佢嘅考題就係：「你作為國際投行中國業務嘅負責人，能為世界市值最大銀行帶來怎麼樣的增值？」Lee平時咁識sell公司，呢條問題應答得好好。
做副行長躋身幹部
內地工、農、建、中及交行副行長雖較副部級低，但屬於中管幹部，要黨員才能擔任，Lee効力海外投行又唔係黨員，今次算係破格錄用。