地產股跌幅較大嘅有新世界發展（00017），跌3.44%，信置（00083）及恒隆地產（00101）同跌逾2%。物業代理美聯集團（01200）跌幅達6.93%。

放大圖片

放大圖片

講到今次政府出招，阿莊認為對地產股嘅影響，在於市場可能需要重估其資產價值，事關喺新嘅售樓指引下，發展商要好似以前咁「大發水」唔易，這將直接影響其土地儲備嘅估值，但另一個角度睇，雖然發展商售樓透明度表面上提高，消費者會得益，但其實發展商亦要維持一定嘅毛利率，加上短期樓市供應仍有限，意味着樓價跌幅或有限。

美股靠科技股撐場，聯想（00992）亦乘機逆市發圍，昨日曾叩6元大關，收報5.93元，升4.4%，成交3.1億元。

聯想○八/○九年度（三月結）錄得虧損，○九/一○年度首季仍蝕1,600萬美元，但次季開始轉虧為盈，首三季度純利1.16億美元，如無意外全年度可轉盈，表現優於市場預期。

迎接三網合一商機

去年末季，公司購回手機業務，以完善產品組合。隨着移動互聯網喺全球普及，以及內地落實三網融合標準，聯想將迎來巨大嘅發展空間。本周初，聯想正式啟動移動互聯戰略，管理層指未來五年，移動互聯網市場將發展成比傳統桌上電腦還要大嘅市場，今次制訂嘅新戰略，將決定公司能否可持續發展，更明言決心與iPhone「背水一戰」。

雖然將iPhone作假想敵，似乎定得有點高，但聯想喺內地市場有政府支持，有主導市場嘅流動通訊營運商及內容供應商作配合，故並非毫無把握，只要呢戰成功，聯想喺全球科技界嘅地位肯定「大升呢」！

以聯想現價計，本年度預測市盈率降至二十八倍，新發展戰略有助推動估值重估，上車有心唔怕遲，短線突破6元關，可上望6.8元，止蝕位5.5元。