打工仔最怕公司肥上瘦下，恒大地產（03333）尋日出年報，堂堂中國首富、公司主席許家印舊年董事袍金只得4萬蚊人仔，薪金同退休金計劃供款兩欄都係零。公司兩位副主席夏海鈞同李鋼嘅年薪分別有成1,369萬元同1,180萬元人民幣；掌櫃謝惠華年薪都有446萬元人仔。恒大「肥下瘦上」，係打工仔眼中嘅好公司。
但係太子覺得，許家印畀自己4萬蚊年薪，真係刻薄咗少少，話晒佢為公司勞心勞力，出晒名係工作狂，竟然係成個董事局最低薪嗰個；其實許生對自己好少少，相信小股東都唔會介意。
收七千萬股息補數
好在恒大地產一上市就派發股息，末期息有0.7分人民幣，以許生嘅持股量，都可以收到七千幾萬蚊股息。