21/04/2010

播放本新聞相關短片
查詢股票編號

追星族:澳優反彈可持續

連續兩日插水後,港股終於作出反彈,藥業股更係炒到出煙。留意到個別內需股表現唔錯,好似生產奶粉的澳優乳業(01717),由三月初高位5.95元陰陰乾跌到去前日最低見4.97元,尋日初見突破,一升就7.4%,去到5.39元,澳優在今浪大落後,加上估值唔高,成交對辦絕對有留意必要。

澳優主要透過澳洲供應商買入奶粉原料,再經加工及包裝,以本身品牌銷售奶粉,主要針對高檔嬰幼兒配方奶粉市場,內地毒奶粉事件曝光後,父母對奶粉安全更為注重,原材料在澳洲進口的澳優,商機無限。

澳優明日(二十二日)公布○九年業績,按招股書估計,全年最少賺1.8億元(人民幣﹒下同)或者每股18分,現價計市盈率26.4倍,內需股中算中規中秩,但睇番過往每年翻一番嘅業績增長速度,估值一啲都唔算貴,依家落後內需股賣少見少,澳優去年十一月至今未炒過,尋日強勢反彈之後,短期炒番上5.8至6元機會未可抹煞。

澳優乳業(01717) 目標價:6元 止蝕價:5元

姚午齊