本文重點
內地政策經常變動，對相關股份影響好大，稍有涉獵股市嘅投資者，相信都知道箇中微妙。國家政策有乜風吹草動，成個市嘅走勢可以變到面目全非，內地上周公布新一輪遏抑樓市炒風政策，震到內房股幾乎散晒，就係最佳寫照。
新聞分類新增國策股
坦白講，呢種政策市相當難玩。太子留意到東方報業集團旗艦網站on.cc嘅財經網money18（網址：money18.on.cc）最近又搞搞新意思，喺新聞分類新增咗國策股，將有關國策變化以及受到呢啲政策影響嘅股份消息放埋一齊，方便股民瀏覽同埋做投資決定。太子發覺加咗呢個分類之後，對於掌握國策股嘅變化更加方便，而且配合money18即秒報價嘅優勢，對於分秒必爭嘅股民嚟講真係絕配。