北海道打波完成壯舉

YK梗係開心到爆啦，因為呢次係雙喜臨門。事緣佢嘅細仔喺日本北海道舉行婚禮，新翁YK去主禮，順道喺北海道hea兼打波。就係喺北海道完成呢個壯舉，你話呢啲係咪叫做好事一齊來。

太子雖然唔係高球好手，但都知道有一種高球保險，唔單只保障投保人因為打高球引發嘅意外，例如傷到人、打斷桿等等，保險仲包括一項獎金，若做到一桿入洞即有獎金，如果YK買咗呢種保險，就筍喇！如果太子喺現場，一定要YK請飲香檳。能夠一桿入洞，太子估YK可能係喺打三桿洞時做到呢個佳績。

有謂虎父無犬子，YK嘅大仔Alvin都係高手，師承著名退役職業球手Greg Norman，難怪成績咁好；Alvin依家都做緊高球教練，既然YK高球技術咁高，不如考慮吓同個大仔一齊做高球教練，話唔埋可以再闖事業高峰。

記得YK臨近退休時，同太子講過佢希望可以重拾興趣，進修歷史，唔知高球歷史會唔會係佢嘅必修科呢？