大企業業績潮近尾聲，踏入四月，市場焦點相信將落在傳聞將於月中推出嘅股指期貨身上，順勢而為，可重點留意券商股，如大福證券（00665）、光大控股（00165）等。

放大圖片	放大圖片	放大圖片

近日上市新股表現唔錯，上周掛牌嘅匯銀家電（01280），上周五收報2.41元，較招股價高出42%；中升控股（00881）收報10.72元，較招股價高出7.2%。本周掛牌嘅有飛克國際（01998）及遠東環球（00830），阿莊呢期對新股冇咩特別心水，都係睇番啲二、三線股。

田生可再睇位增持

心水股中芯國際（00981）上周再度發力，上周五高位曾見0.94元，真係飲得杯落。降低逾五十年樓宇強拍門檻嘅法例修訂將於本周四開始生效，阿莊多次表達睇好田生集團（08136），上周五便按平均價0.62元買入80萬股，本周初會再睇位增持。

此外，早前阿莊沽出獲利嘅中電新能源（00735），上周二抽至高位0.97元後，連挫兩日至0.72元才止跌，上周五又再抽上0.8元收市。一家分屬中國五大電力集團旗下公司，市值逾50億元嘅電力企業，股價可以如此波動，實在令人詫異。

再睇番啲大價股，次季焦煤價格看漲，煤炭股可留意抄底機會。神華（01088）上周五反彈3.98%，報32.65元。中煤能源（01898）將於下月九日宣布末期業績，上周五股價收報11.78元，升2.97%，成交增至4.8億元，可小注怡情，博上13元，穿11元止蝕。