志強所持兩隻股仔靜咗落嚟，又要整固一陣，有盈利在手，繼續再坐。睇番早兩日推介的環境資源（01130），明日公布業績，有風話業績好掂，早段見有盤掃貨，故此在0.103元買入兩球，博上0.12元。

五礦建設（00230）上周五失驚無神升近一成，成交仲鬼死咁大，睇樣就快有好消息公布。同系五礦資源（01208）未開車，下星期出業績，隨時好似五礦建設咁突然爆上。

五礦集團去年底建議將湖南有色（02626）購併，系內重組正式展開，注資計劃一觸即發。睇番五礦資源本身以氧化鋁貿易業務為主，是內地最大型的氧化鋁供應商，即使去年鋁業經營環境困難，大部分企業均錄得嚴重虧損，但五礦資源控制成本能力得宜，公司上半年淨利潤僅下滑14%，反映其風險轉嫁能力極高。預計一○年內地電解鋁產能開工率仍會維持在高位，公司料可受惠氧化鋁價格上漲以及資源整合。唔計今年有可能再獲注資的因素，五礦資源都有條件見4元，若然稍後再有大型注資，股價更有機會翻一番。現價買入，止蝕訂在2.77元。

五礦資源（01208）　目標價：4.00元　止蝕價：2.77元