阿里巴巴（01688）宣布末期業績，一如所料，純利按年出現倒退，惟去年末季純利同比增幅逾四成，按季則升近兩成，形勢比想像中好。由於過去一年公司致力調整客戶群及業務結構，今年將展現效益，加上受惠出口市場復甦，盈利表現將持續改善，股價喺16至20元已整固逾半年，年內料有一番新景象。

放大圖片

放大圖片

今日立法會將表決有關降低逾五十年樓齡強拍門檻動議。阿莊無意論政，只係作為旁觀者，總覺得針冇兩頭利，問題係哪一邊相對符合大眾利益。歷史因素之下，未來每年逾五十年樓齡嘅唐樓數目不斷增加，眼見早前嘅唐樓倒塌事件，社會不能忽視舊區重建嘅問題。

若新例獲得通過，舊區重建進度將會加快，小業主可以高於市價把物業套現，改善居所環境，但地舖業主議價能力就可能下降。有指小業主未能分享物業重建後嘅得益，呢個反對論點有些似是而非，難道重建後新樓賣唔去，小業主需要分擔虧損額嗎？

降強拍門檻有利發展

究竟新例通過與否，阿莊跟大家一樣，都係等睇今日嘅投票結果。不過，專門做收購舊樓嘅金朝陽（00878），本月以來股價累計升幅已逾兩成，反觀同類股田生（08136）嘅股價表現相對落後，喺法例審議前夕，終於吸引咗一班「勇」者上車，昨日股價升8.3%，收報0.65元。

近年田生十分積極參與收購舊樓，手頭亦有唔少收購項目，一旦條例通過，勢必加快業務發展步伐，難怪吸引炒家上車賭大細，但當然，炒作風險自負，純睇走勢，向上阻力位喺0.75至0.8元，穿0.58元止蝕。