內地消費股持續受基金追捧，其中汽車股受惠國策嘅多種優惠，更成為最熱門嘅板塊，去年吉利汽車（00175），東風汽車（00489）同長城汽車（02333）都有數倍升幅，而落後嘅駿威（00203）升幅不足一倍，公司正進行私有化程序，以其前景同盈利能力計，今年應大熱跑出，值得趁低收集，初步上升目標5.54元，母公司若志在必得，出價慷慨，股價見8元亦非冇可能。
○九年度（十二月結）上半年，駿威盈利11.97億元（人民幣．下同），下半年內地汽車銷量屢創新高，保守估計全年盈利24億元，每股獲利0.32元（約0.362港元），市盈率12.4倍，同類股吉利、東風同長城嘅預期市盈率分別達十七至二十倍，廣汽要私有化成功，相信非付出二十倍嘅市盈率不可能成事，相當於駿威每股大概為7.24元，仲未計溢價，本欄估計8元私有化，已係保守。
駿威（00203） 目標價：8元 止蝕價：4元