中油香港自重組成為母公司中石油（00857）嘅下游天然氣旗艦，年來經過多次購併，先後買入華油天然氣77.59%權益及中油中泰49%股權，最近亦落實於內蒙古烏海市發展焦爐煤氣項目，總投資額41億元人民幣，將分階段投入。

母公司擁有全國70至80%天然氣資源同管道，早前已將系內逾10個城市嘅燃氣項目注入一新附屬公司昆侖燃氣，而中油香港亦建議改名為昆侖能源，下一步注入昆侖燃氣係意料中事。

中油香港主席李華林日前表示，今年將加快注資工作，並會成為今年業務嘅重點，除天然氣項目外，母公司所有嘅新能源項目，亦會交由公司負責，並逐步注入。中油香港現時市值不足500億元，話唔定一兩年後，會壯大成為千億元甚至兩千億元嘅大公司，前景值得憧憬。

中油香港（00135）　目標價：12.0元　止蝕價：9.6元