本文重點
滙控（00005）行政總裁紀勤嚟到香港唔夠一個月，已經入鄉隨俗大派利是，聽講尋日開工，佢淨係落分行派利是畀客戶都幾百封。
話說紀勤當年都做過旺角旗艦店「管理層」，昨日開工大吉，亦揀正好時辰，早上踏正十一點走入旺角旗艦店分行向客戶大派利是。太子好鍾意嘅藝人李司棋咁啱都去咗呢間分行，仲好攞到紀勤封利是，聽講佢尋日總共派咗幾百封利是。太子收到風，利是個餡係廿蚊。
花旗盧韋柏利是無上限
至於去年底拉埋天窗嘅花旗香港環球個人銀行服務行政總裁及總經理Weber盧韋柏第一年派利是，但佢話今年唔會為派幾多錢利是設預算，總之大家高興就得！
Weber昨日仲孖住財神爺，親自走訪尖沙咀三間分行向員工派利是，送上好運同祝福，一班員工同一時間見到老細又見到財神當然開心！