佢哋個大型集思會有乜嘢主題？許照中話，真係有咁啱得咁蹺，集團今次同港交所一樣，亦係傾三年計劃，不過，佢哋就集中傾「搵錢計劃」，即係點樣可以賺多啲錢。

80人商三年大計

布吉島出名resort又大又靚，佢哋舉行集思會亦選了當地一家大型resort，由於離市區好遠，附近又冇乜嘢玩，所以沒有雜念，太子相信，各人應該可以交足功課。

許照中話，集團舉行集思會已經做咗三、四年，基本上每年都搞一次，但今次就較為特別，要傾長遠啲計劃。由於佢哋總部設喺馬來西亞，以往集思會多數喺集團近檳城嘅resort舉行，今次移師布吉，算係首次衝出馬來西亞！

僑豐金融前日喺深水埗開分行吸客，令分行數目增至四間，除咗中環總行外，還包括深水埗、旺角同鰂魚涌分行。