唔少講股佬都話恒指要下試萬八關，志強又無咁悲觀，跌市成交縮，沽壓唔嚴重，反而提供機會買平貨。銀建（00171）昨日曾低見2.67元，收市報2.72元，似乎已成功尋底，短期進行整固，待大市轉穩，銀建或可重展升勢。集團曾發出盈喜，預期去年盈利按年大升三倍。單係呢一點，足以支持股價在大跌市中靠穩。

市場一直憧憬，去年中廣核成為第二大股東後，銀建將可獲注資並轉型，集團亦表示日後會收購及發展天然資源、能源及核子相關項目，前景被睇高一線。

本身為央企的中廣核，以發展核電業務為主，由於這些項目需要龐大資金發展，銀建極有可能在將來成為中廣核的集資平台。估計今年銀建有機會再向中廣核發新股，令中廣核最終變成其大股東，並向銀建注入核電項目。一旦銀建成功變身中廣核上市旗艦，股價有機會翻一番，趁跌市儲貨，博股價升越4元。