本文重點
今年大年初一撞啱情人節，大家會選擇同阿爸、阿媽拜年先？定係見情人先呢？合和實業（00054）董事總經理胡文新（Thomas）就兩樣都唔揀，佢選擇於年三十晚飛去加拿大溫哥華，同班冰球波友一齊睇冬季奧運，實行放兩個星期假做個自由人，順便觀摩吓人哋打冰球嘅技術。至於會否帶埋女性「密友」同行，Thomas始終三緘其口。
合和加薪 五天工作
雖然仲有幾日先至飛，但Thomas已經好關心溫哥華嗰邊嘅天氣，同太子食飯期間，都不忘用電話上網睇吓溫哥華嘅溫度。
Thomas仲大講加薪好消息，佢公司員工今年平均可加薪2至3%，而幫佢捱咗咁多年嘅董事亦都有人工加。
Thomas話由三月起，合和系員工將會實行「五天工作制」，平日嘅工作時間就由九時至五時半延至六時。